CR Ng Babae

I bet maraming lalaking gustong malaman kung ano nga ba talaga ang nagaganap sa loob ng CR ng babae!! Nakakairita pumasok sa CR ng mga babae lalong lalo na kung ito ay sa lugar tulad ng mga malls, bus stations, tren stations at minsan sa mismong kumpaniyang pinagtratrabahuhan mo. Pero ang pinaka-nakakainis na pasukin na CR ay ang sa malls lalong lalo na sa mga araw ng sabado at linggo! Sa umaga, halos ang laman lang ng CR ng malls ay ang mga salesladies na hindi mapakali sa pagpapakapal ng pulburon sa mukha at napansin kong ang paborito nilang kulay ng eyeshadow ay blue! (bakit kaya?) Dadaan ang buong maghapon at nagkakaron na ng build-up ng tao sa loob ng CR ng babae. Akala mo may sineng bagong palabas sa haba ng pila. Maruming lababo, basang sahig at walang toilet paper kadalasan ang eksena sa loob ng CR. Habang nakapila ka sa pintuan ng toilet at nagpipigil na hindi sumabog ang ihi mo sa tagal ng nauna sayo, naiisipan ko nalang libangin ang sarili ko. Napansin ko ang isang babaeng simula pagpasok ko hanggang sa pumila na ako ay naroon pa rin sa harap ng salamin. Hindi magkandauga-ga ang pwet niyang maghukay sa kaniyang "kikay kit" kung ano pa ba ang puwede niyang isalpak sa kaniyang makulay na mukha. Meron din isang lola na halos ubusin ang libreng hand sanitizer na nasa gilid ng lababo. ang pinaka nakakairita sa lahat, yong babaeng sinundan ko sa pila, sobrang tagal na niya sa loob!!!

Sa wakas! It's my turn!

Pagpasok ko sa toilet, agad akong naglatag ng mahiwagang toilet paper sa paligid ng inidoro at sabay umupo. Napansin ko ang mga sulat sa likod ng pintuan kung saan nakasabit ang aking bag. Nakakatawa. Halos mga cellphone numbers, pangalan, at mga salitang bastos ang nabasa ko. at pagtingin ko sa kabilang side ng cubicle, nabasa ko ang isang linya sa bible. Ganto nga ba talaga ang mga Pinay? matapos ang aking pag wiwi, itinapon ko ang toilet paper at napansin kong walang laman ang basurahan. Diring-diri ako sa nakita. Naalala ko nung highschool ako, tiniruan kami kung papaano ang tamang pagdispose ng sanitary napkin. Sa nakita ko, parang may mga duwendeng minassacre sa loob ng basurahan. agad akong lumabas at hindi na nagtagal sa masikip na lugar na yun. Sa pagmamadali ko, nabangga ko ang isang batang lalaki na bitbit ng kaniyang ina papasok ng CR ng babae...normal na pangyayare lang yon. Sa paglabas ko, nadaanan ko rin ang CR ng lalaki at sa hindi inaasahang malanding pagkakataon, nakita ko ang loob. mukhang mahina ang palabas sa CR ng lalake...walang pila..walang gaanong nagsasalamin at lahat nakayuko. Kung ganon lang sana kaginhawa ang pakiramdam sa papasok ako sa tuwing papasok ako sa pampublikong palikuran, e di sana mabilis kong nailabas ang ininum ko kanina!